القارئ ضياء الدين محمود عبدالرحيم يكتب : سحابة صيف
سحابة صيف وحتعدي
ولا يهمك!
ده رب كريم،
وأهو كله محو ذنوب
جشع تجار، غلا أسعار
ولا يهمك!
أهمك ربنا يرضى،
ولا يهمك!
هموم بالكوم، سهر وشجون
ولا يهمك!
أرق ولا نوم، سنين بتعدي
ولا يهمك!
ده أولها، وأخرتها دنيا
ولا تسوى!
لا دامت ليك، ولا لغيرك
إنسى يا صاحبى إنسى!
حييجي يوم وتتصالح على الدنيا
ولا يهمك!
كريم أصله؛ لا يمَّل، حتى تمُّلوا
ولا يهمك!
فرح قادم، وزفة شوق
شهد دايب؛بكره تدوق
ولا يهمك!
وجنة خلد حتنالها؛ بصبرك
مادمت راضي، وربنا راضي
ولا يهمك!