القارئ محمد عبدالله طاهر يكتب: جرح الحبيب
ألم البدن سهل يطيب
وصعب يطيب جرح الحبيب
ألم القلوب ناره لهيب
وجرح الحبيب ملوش مثيل
كتير أشتكى منه عشاق
و يا ما بكيت منه عيون
صعب الألم وقت الفراق
بيبقى الحبيب فى حالة جنون
صعب القلوب لما تهون
وتعيش وحيدة وسط كون
صعب الألم صعبة الحياة
لما نحس جوة بآه
مين متهم ومين برىء
مين اللى عايش و مين غريق
مين اللى كسر فى الطريق
وهد أحلام السنين
مين السبب فى الألم
وملأ قلب التانى جروح
مين اللى حب بالكلام
وساب جرح الحبيب مفتوح
مين اللى حقه يشتكى
ومين اللى من حقه يلوم
مين اللى حاله يتبكى
مين اللى ظالم ومين مظلوم