بإفيهات الريحانى وهنيدى ومحمد سعد.. تغريدات هتقولك مشاكلك هتتحل إمتى
يواجه الإنسان فى حياته العديد من المشكلات والتى تختلف فى حجمها من شخص لآخر وفقا لحجم مسئولياته وعمره، لكن لابد من التفكير الصحيح والسليم للعمل على حلها.
نجيب الريجانى فى فيلم سلامة فى خير
وفى هذا السياق غرد رواد تويتر، عبر هاشتاج "#مشاكلك_هتتحل_لما" الذى تصدر قائمة الأكثر تداولا على تويتر، حيث أجمع البعض أنه لابد من دراسة المشكلة جيدا والعمل على حلها من خلال التفكير الصحيح، حتى وإن كانت المشكلات بين المادية والمعنوية والتمنيات بالحصول على مجموع يؤهل الكثير إلى الكلية المناسبة.
وانتشرت العديد من الكوميكات، والتى تحتوى إفيهات للفنان القدير نجيب الريحانى ومحمد هنيدى ومحمد سعد، حيث استغلوا العديد من الإفيهات فى الأفلام للتعبير عن آرائهم.
عادل إمام فى فيلم حسن ومرقص
وقال محمد إبراهيم "قرب من ربنا وتعمل اللى عليك وتحس أنك تعبت وتفهم إن العقل والقلب عضوين لإنسان واحد مينفعش يمشى عكس بعض وقتها بس تتحل مشاكلك"، غرد آخر: "الأهم من ده كله أنك تاخد القرار الصح.. وإنت بتحل أى مشكلة والقرار ديما بيبقى فيه شوية قسوة لكن لازم تخطو خطوة.. بمجرد ما تخطو الخطوة أنت الآن بدأت بالحل الصحيح لكن لا تنسى التفكير الصحيح".
هاشتاج مشاكلك هتتحل أمتى
ويرى آخر: "الأول نعرف مشاكلنا ايه..نعرف أصل المشكلة إيه لأن فى ناس بتعمل مشاكل وهي أصلا مش مشكلة.. بس حلها عندك إنت بس عايز تفكير" وكتبت رانيا "لما أجيب مجموع فى الثانوية يدخلنى الكلية اللى أنا عايزها مشاكلى ممكن تتحل بس هيجى مشاكل غيرها.. ما إحنا عايشين عشان نحل مشكلة وندخل فى غيرها عاملين زى حلالين العقد بالظبط".
وكتب عبد الله "لما يكون معايا فلوس وألاقى شغل وألاقى بنت الحلال وألاقى شقة مناسبة وليلة كبيرة أوى سعتك"، وغرد محمد: "متحكيش لحد مهما كان قريب منك ومتنتظرش شفقة من حد وبديهيا خالص تعرف أسباب مشكلتك والحلول المتوفرة ادامك مش الحلول المستحيلة اللى متقدرش تعملها".