أسامة كمال لـ"بريتيش إيروايز وبريطانيا": "احترسوا.. وكما تدين تدان والأيام دول"
قال الإعلامى أسامة كمال، إن مدة صلاحية قرار الخطوط الجوية البريطانية، بتوقف رحلاتها لمصر، انتهت اليوم وتم استئناف الرحلات من وإلى القاهرة، وأول رحلة الساعة 11 وربع مساءً على طيارة دريملاينر عليها 200 راكب.
وأشارت "كمال"، خلال تقديمه برنامج "مساء DMC"، إلى أن "سى إن إن" نقلت بيان الخطوط الجوية البريطانية التى قال بعد تقييم دقيق للترتيبات الأمنية: "يسرنا استناف خدماتنا من وإلى القاهرة من يوم الجمعة 26 يوليو"، وقال البيان: "سلامة وأمن عملائنا وطاقمنا هى دائما من أولوياتنا، ولن نشغل أبدا طائرة ما لم تكن آمنة للقيام بذلك".
وعلق قائلاً: "طب هو ايه اللي كانوا بيتحققوا منه وتحققوا؟ إيه اللي كانوا خايفين منه ومابقوش خايفين؟ طب سلامة عملاءهم وطاقمهم كان جرى لها ايه؟ ما تعرفش، وماحدش بيقول، وكل ما تسأل واحد يقول لك كلام غير التاني.. هل كان خلاف تجاري؟ هل كانت هواجس أمنية؟".
وتساءل "كمال": "هل هي أسباب سياسية؟"، مردفاً:"الانجليز بقت صورتهم على الأقل في عينين المصريين سيئة جداً، مش بس في موضوع الطيران، لأ في موضوعات أكتر من كدة بكتير وأعمق من كدة بكتير".
وتابع: "لازم يفهموا ويعرفوا إن مصر ممكن تبقى طوق نجاة لبريطانيا الفترة الجاية، والمسألة مش بفلوسك يا لورد المسألة بحاجات كتير تانية جنب الفلوس احترس كما تدين تدان والأيام دول، وعشان الترجمة توصل صح وكاملة، رسالتي لبريتيش إيروايز وبريطانيا ككل: احترس، كما تدين تدان والأيام دول".