هكذا تحدثت هيدى كرم عن أزمة عمرو وردة
دافعت الفنانة هيدى كرم عن لاعب المنتخب المصرى عمرو وردة، ورفضت ما حدث له من تشهير ونشر فيديو ومحادثات غير أخلاقية أدت إلى استبعاده من المنتخب.
ونشرت هيدى كرم صورة عمرو وردة على صفحتها "إنستجرام"، وعلقت عليها قائلة: "عمرو وردة بيلعب بقاله فترة طويلة فى اليونان يعنى أوروبا يعنى بنات على قفا مين يشيل، ومافيش مشاكل فى الصحوبية وحاجات تانية كتير، لأن ثقافتهم بتسمح لهم بكدة، تفتكرو أنه هايستنا ييجى مصر علشان يعاكس؟؟ وبعدين كلمة تحرش دى كلمة كبيرة أوى لما نستخدمها نستخدمها فى مكانها، لازم تكون بالإكراه وبدون إرادة الطرف الآخر وده ما حصلش طبعا".
وتابعت هيدى كرم، رأيى الشخصى إن عمرو اتظلم ظلم كبير، واللى حصل فيه كان شر كبير مقصود ! وأى شاب فى الدنيا مكانه كان ممكن يعمل كده وكل الشباب عارفين كده.. غلط أيوه طبعا غلط لكن غلطه الأكبر إنه ما قدرش قيمته وأهميته كلعيب مهم، واتصرف كشاب عادى وكلنا بنغلط.. أنا بدعم عمرو وردة وبقوله اللى جاى أحلا".