القارئ عصام السيد يكتب حُب ممنوع من الصرف
الإثنين، 10 يونيو 2019 09:00 ص
في المبتدأ اسمك
بينتهي بـ همزة
و انا اسمي كان مكسور
شافها اترفع بيها
لكن النصيب معذور
مافهمش معانيها
شاف القدر غضبان
رسم السكون فيها
كل الحروف أشتكتوا
وأتلغبطوا الأسمين
الـ (ع) مـ الكسرة بَكِت
والدمع ع الخدين
قام الـ ( أ ) وقف
يمسح دموع الـ ( ع )
الـ ( س ) أترسم سيف
قام شق قلبي أتنين
وانا قلبي كان حلمه
يعيش مع الأسمين
عدد حروف اسمك
بيزيدوا عني بحرف
وأنا حبي ليه في النحو
ممنوع يا ناس مـ الصرف