القارئ سامح لطف الله يكتب: لو
لو حطِّيت الكُرْه فى كفة
وشوقى فى كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب
واشكى لقاضى الحب صدودك
بسمه يدوب تبعتها خدودك
نظرة بطرف الرمش تاخدنى
لَفْتِة قَدّ تغوص فى القلب
بحر عنيكى وموجه الشط
كُحْل الرمش فى قلبى إتحطْ
حتى موبايلى فتح لِكْ خَطْ
تاه العقل ف بحر الحب
يمكن سحر يا ناس عاملاه؟
عاملة حِجَاب فى البيت رامياه؟
بتشبشبلى عشان انساه؟
أنسى حياتى وانسى الكرْب
إوعى تقوللى عقلك فين؟
إوعى تقول دا جفاه البين
يلَّه تعالى وخُدْ لَكْ عين
شوف بعيونى حلاوة القرب
عمرها يا ابنى ما كانت حرب
ولا كان بينَّا خناق أو ضرب
خمر شفايف شُرب فى شُرب
تسكر راسك يصحى القلب
لو حطِّيت الكُرْه قى كفة
وشوقى فى كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب