عبدالرحمن صلاح عطا يكتب: انا زعلان
‘"حقيقي بجد انا زعلان
وشايل هم من مدة
وبمشي كتير وانا سرحان
وبضحك والوشوش ساكتة
وخايف من يدوب كلمة
وعارف اني متهور
وشايف نفسي في الظلمة
شريط م البكا بيتطور
ويمكن قلبي مسمعنيش
ف ليل انا كنت حذرته
ان سابو سيب ومتجيش
مش كل البشر صورته
لكني يوماتي بتعلم
إن اليأس متكلم
وطافح علي الوشوش سمه
وسارح ولا حد بيهمه
بيقتل امل ورا التاني
والناس من غلبها سايبة
وفيهم جزء بيعاني
مع إن الصورة مش واضحة
حتى في شكلي ومكاني
فيريت تعتبر رحلة
وكأني عابر فتنساني
صحيح الهم ليه ناسه
ملامحه كانها سمرا
بيحمل شيلته فوق راسه
ويدعي كتير لناس ظالمة
ومن امتي الكون هيتعدل
ويمشي زي ما نحدد
مفيش مخلوق بيتبدل
وظله في ميه متمادد
مسير الشمس يوم تتطلع
مسير الحضن يوم يجمع
قلوبنا اوام تشبع
ومن الحب تتقوت