برة الملعب.. ياسمين حمدى لاعبة الكاراتيه: كان نفسى أكون السندريلا

كتبت ياسمين يحيى
الأربعاء، 23 أكتوبر 2019 12:00 م

بعيداً عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.

نجمة اليوم هى ياسمين حمدى لاعبة منتخب الكاراتيه فكان معها الحوار التالى..

 

ما هوايتك المفضلة بعيدا عن الرياضة؟

بحب القراءة، بين كل فترة وأخرى بشوف آخر كتاب موجود واقرأه.

 

ما الأكلة التى تتميزين فى طبخها؟

مش بعرف أطبخ أصلا.. ووالدتى مش بتسمحلى أدخل المطبخ من الأساس.

 

من نجمك المفضل؟

بحب أحمد حلمى.. أفلامه أحلى من بعض وبيضحكنى جدا.

 

لما تتعاكسى فى الشارع .. ممكن تستخدمى العنف أم لا ؟

ولا حاجة، بمشى وكأنى مش سامعة حد بيتكلم.

من هو مطربك المفضل؟ 

عمرو دياب.. الهضبة كل أغانيه بحب أسمعها مينفعش يكون حد تانى مفضل.

 

مين من نجمات السينما كنتى تتمنى تكونى مثلها ؟

سعاد حسنى.. السندريلا جميلة وموهوبة كل حاجة فيها حلوة.

 

بتحبى الملابس الكاجوال ولا الفورمال ؟

الكاجوال طبعا أسهل وعملى أكتر لكن الفورمال ليه وقته.