آمال محمد هريدى تكتب: وطن ساكن ف قلوبنا
يا وطن ساكن ف قلوبنا....
يا حضن بندارى فيه....
ف عشقك والله دوبنا...
جواك كل اللى بنحلم بيه.....
وطنى حلمى أملى....
انت النبض انت الأمان...
ف عشقك يطول سهرى...
وف حبك عاشق من زمان....
يا مصر لفيت ف حواريكى...
شوفت أصاله جواكى....
عشقت كل رمله ف أراضيكى...
بترجعلى روحى لما بتنفس هواكى...
بفرح لما بتفرحى...
بنسى كل الهموم...
عمرك ما تجرحى...
دايما بتنصفى المظلوم...
عايش جواكى وهفضل بيكى متمسك...
متخفيش أنا جنبك ومعاكى....
تسلمى يا بلادى ويسلمك حسك....
تسلم ضحكه بلادى...
يسلم كل شبر فيكى....
عليكى دايما بنادى....
تعيشى وتعيش أراضيكى....