سمير حافظ النواجى يكتب: إهـــداء لأطفال مستشفى 57357
فـجـأه جـاتـنى مــن بـعـــيد
نسمه صافيه فى يوم شـديد
قـالـتلى حـاول مـن جـــديد
لـيه تكــون زى اللى راحـوا
لازم أنـت تـكــــون عـــنـيد
خـلى إيدك جــنب إيـدهـا
لو هـتجرى قــوم مـاسـكـها
الحياه محـتـاجـه ضـحـكـه
الضحكه دى مـقسومه ليك
لـــو هـــتـزعــل ع اللــى راح
وتقول خلاص مافيش سماح
تلـقىٰ اللى جاى ضـهره لـيـك
و عُـمـر السعـاده مـا تـنـاديك
أنسى وسيبك م اللى كــان
بحــر الحـياه مليان حـنـان
يــلا قُــوم وخُــد نصـيـبك
كـــــل وقــــت و لــــه أدان
وأوعـى تسـمـع للى يـقــول
الـدنيا صعـبه مافيش حلول
خـلى عـقـلك جــوه راســـك
ونَـسِـم حـياتـك بالـجــنـون
عـيش حــياتـك زى مــاهـى
يوم تحـب و بـيـه تـبــاهـى
و يوم تقـول بُـوريه يا دنيـا
لـمــا أقـرب لـيـه بـاهــون؟
عيش الحياه وإضحك عليها
عَشِمـها فـيك وأطلب إيديها
بس أوعـى هـى تجُر رِجـلك
وفى هــواهـا تـكـون زبــون
يـوم هـتـغـضب وتـراضيـها
ويوم هـتـضحك لك عـنيـها
ويـوم تـلاقىٰ الدمـع سايح
الدنـيـا فـيـها كـتـير جـنـون
نـاس تـقـول الـدنـيـا جنـه
و إحـنا فـيـها ربـك ساترنا
لـيـه نُـبـص لــرزق غــيرنا
دا اللى ربك لـيـنـا قـاســم
لازمــاً يكــون هـو نـصيبنا
ونـاس مـعاها و طـمـاعـين
للـحـــرام بـتـقـول دا فين
ونـاس بتـعـزف كـل ثانـيه
فـى الحـياه لـحــن الأنـين
الـحــياه و اللــــه حــلــوه
بـس الـحـلاوه مش قانون
لــو عـايزها يــدوم هـناها
إرمى وراك كـل الـظـنـون
الحـياه يـا صـاحبى حـاله
لـيه تـعـيـشها وأنت عالـه
عيش وناكـف عادى فيـها
و أوعى تـنسى الإنـسانيه
دى الحياه مخلوقــه لـيك
لـيه تـكـون فيـهـا حـزين؟
عيش وعَلى الضحكه تانى
عيش حياتك مـهما يكـون
الحـيـاه هــتـلاقـى فـيـهـا
م الـمـلامح ميت ألف لون