عمرو حسين يكتب: هدية فى عيد الزواج
مهما يا قلبى عنه اتقال
أنا مشايف فى غيره جمال
احكى يا عمرى وقول
أنا وياك عمرى يطول
وأعيش فى هنا وسرور
هافضل أحبك على طول
واحضنك أنا بيكى مجنون
فاكرة يا حبى يوم
مالقينا بعضنا ونسينا هموم
ما كنت مصدق بصيت للنجوم
لقيتهم كاتبين أسامينا
راسمين صورتين لحبيبين
حاطينهم فى السما قمرين
والطيور من حواليهم بيغنوا
بيقولوا لهم عيشوا واتهنوا
فى العمر بتيجى ليلة مش ليلتين
بتملا حياتكم سعادة السنين
وهاقول طول ما أنا معاكى كلام
كل مرة أصبح وأشوفك جمبى
ببقى حاسس بالهيام
وليكى هدية منى
هى ليكى كل عمرى