عمرو حسين يكتب : أزمة هزت عرش العشق
كان يا مكان إنسان
بعد كل ما جرا وكان
حب بقلبه بجنان
حب ونسي العنوان
وتاه وسافر فى الزمان
والقصة كبيرة جدا
وطويلة جدا وتوهان
لكل اللي عاش هيمان
أحب أقوله أحكى له
قصة شهد ليها الزمان
أن الحكاية حكايتين
الأولي بدأت بكلمة بحبك
ونهت على كلمة فارقتك
وتدور بينا الأيام والسنين
واحنا عايشين مجروحين
بنندب حظنا واللي حصلنا
شئ صعب وجع قلبنا
ولكن نصيبنا الغريب هزنا
بعد كل ما جرا يشهد لنا
الوعد والحب كانوا عهدنا
فجأة الزمن رضي واتقابلنا
من غير عتاب وكلام رجع لنا
الشوق والغرام. قابلنا هنا
ودا كان حبنا التاني
ومافيش حد هيبقي أناني
غير أنه يحافظ علي الأماني
ويقول بعينه لحبيبه بحبك
ومش هابيعك تاني