تعرف على حقيقة فيديو "البيض البلاستيك" المنتشر عبر السوشيال ميديا
نشرت صفحة "ده بجد" عبر موقع التواصل الاجتماعى "فيس بوك"، توضيحا لحقيقة الفيديو المنتشر، عبر السوشيال ميديا لصنع بيض من البلاستيك.
وكتبت الصفحة فى منشورها عبر الفيس بوك : "أولا إحنا مش بنستورد بيض من برة، عندنا بيض يكفى الاستهلاك المحلى وزيادة".
وتابعت صفحة "ده بجد" : "ثانيا أى بيضة هتتقلى على نار ضعيفة هتعمل نفس الشكل اللى بيقولوا عليه بلاستيك فى الفيديو، فى تجربة فيديو من المصادر بتوضح ده".
وأضافت صفحة ده بجد عبر الفيس بوك : "ثالثا فيديو تصنيع البيض ده عبارة عن مصنع لتصنيع لعب أطفال، وسعر الـ4 بيضات حوالى 230 جنيها".
ونشرت الصفحة فيديو لأحد رواد موقع التواصل الاجتماعى "فيس بوك" من هولندا، قام خلاله بطهى البيض على درجات حرارة منخفضة مما تسبب فى ظهور مادة تشبه البلاستيك.
<iframe src="https://www.facebook.com/plugins/video.php?href=https%3A%2F%2Fwww.facebook.com%2Fsherif.mohamedhany%2Fvideos%2F10155931198832981%2F&show_text=0&width=267" width="267" height="476" scrolling="no" frameborder="0" allowTransparency="true" allowFullScreen="true"></iframe>
وقال الدكتور عبد العزيز السيد رئيس شعبة الدواجن فى غرفة القاهرة التجارية، إنه لا صحة لما يتردد عن وجود بيض صينى فى الأسواق المصرية، مؤكدًا على أن مصر لا تستورد البيض من الخارج ولدينا اكتفاء ذاتى بل إنتاج يكفى السوق المحلى ويمكن تصديره.