عمرو حسين يكتب: كهف كبير مظلم مخيف
كهف كبير مظلم مخيف
تلات شبان موقفهم ضعيف
احتموا فيه وكانوا مساكين
مشلينا يمليخيا مرونوش قديسين
مشلينا مغرم بحب بريسكا
كانوا على الميعاد متفقين
يقابلها بعد 3أيام ولكن غاب سنين
هرب بحبه لبعيد هرب حزين
وهى ما استسلمتش احتفظت بسلسلته
وما نسيتش الشوق والأمل والأنين
خرج من كهفه واتغير حاله قابلها
فشافها فى القصر أميرة من العاليين
ياترى نسيت شكله نسيت حبه
ولا هو اتغير وما بقاش الحنين
فكرها بنفسه لكن هى مش هى
بالرغم من أن نفس الشكل هو هو
والاسم هو هو لكن الزمن مش هو
وبقى ياعينى من المجروحين
بقى من المنسيين
راح لكهفه مالوش غيره يضمه
ويمليخيا يطيب خاطره
ومرونوش قبل كدا نصحه
وفجأة الكهف بالحب نور
بريسكا جاية عليه تدور
وتقوله أنه حبيبها
وغيابه زاد حنينها
وتديه السلسلة اللى شالتها
وصدقت فى وعودها
وقعدت تستناه طول حياتها
وكسب الحب وخسر الفراق
وارتاحوا من طول الشوق والعناء
وحتى اتفقوا يكملوا بعد الحياة
الحب اللى هو اصلا حياة