حسان غانم يكتب : شد حيلك ياصلاح
الجمعة، 01 يونيو 2018 06:00 م
حلم 100 مليون يا مصر
حلم غايب من سنين
بالأمل و بدم حر
و بشجاعة موهبين
اللي حارس كان شجاع
و اللي بيأمن دفاع
كله كان عنده إقتناع
كله كان عنده يقين
الغريب عن أي دولة
إن الحب فطره فينا
و أما بنحب بذمة
مش عشان يتقال علينا
كلهم كانوا نجوم
م الدفاع حتى الهجوم
حلمهم نوصل في يوم
روسيا عمالة تنادينا
شد حيلك يا أبومكة
انت خلاص بقيت كبير
كان فاضلك بسه تكة
بس راموس كان حقير
المهم الكل عارف
و اللي شاهد كان و شايف
ان ريالهم كله خايف
قام معينلك غفير
خاد دراعك قام و لافف
لما شاف انك خطير
كنت تبكي و هو واقف
يضحك معدوم الضمير
كان ناويها ..تقولي أسف ؟
دا المدرب قال كتير !!!
شد حيلك يا صلاح
مصر كلها بتناديك
إنسى و سيبك م اللي راح
كأس العالم بين إيديك
حلم 100 مليون يا مصر
حلم غايب من سنين
بالأمل و بدم حر
و بشجاعة موهبين
اللي حارس كان شجاع
و اللي بيأمن دفاع
كله كان عنده إقتناع
كله كان عنده يقين