إيمان إبراهيم عبد الجليل تكتب: وحشتينى
وحشتينى يا أجمل أم
وحشتينى وقلب يضم
من يوم بعادك قلبى حزين
بيدور حواليا التايهين
مشتاق لقلبك الرحيم
يغفر لى ويسامح كتير
مشتاق لصوتك الحنون
يعلى يسمع كل الكون
مش أقول تعبت من بعدك
ولا هزمنى الحنين
راح اقول حبك فى قلبى
بيزيد على مر السنين
كان نفسى تبقى ويايا
وتكونى فرحى وهنايا
ولما اشتاق تضمينى
ولما اغلط تحاسبينى
دلوقتى عايشه لوحدى
مع قرب الناس وبعدى
بغنيلك بوجدى
وهوة ده التحدى
هازرعلك شجرة كبيرة
هأسقيها كل ليلة
وادعيلك بقلبى
ويكون فوقك نور
وتحتك نور
وعن يمينك نور
عن شمالك نور
وتكونى فى جنة عالية
مليانه طيور كناريا
وحشتينى يا أجمل أم