عمرو أديب بـ"ON E": "أنا جيت النهاردة علشان مستر كوبر ..ومبروك على الأهلى عبد الله السعيد"
قال الإعلامى عمرو أديب، إنه جاء لتقديم حلقة اليوم من برنامجه من أجل مهمة وطنية تتمثل فى حواره مع الأرجنتينى هيكتور كوبر المدير الفنى للمنتخب المصرى، رغم أننى عزمت من الأمس بعدم تقديم الحلقة، حال توقيع عبد الله السعيد للنادى الأهلى.
وأضاف أديب،"أنا موجود النهاردة علشان مهمة وطنية لكن غير كدا مكنتش هعتبها.. وأنا قلت كدا من امبارح بس النهاردة عندى حوار مع مستر كوبر وعيب أن الراجل ييجى وأنا مجيش علشان عبد الله السعيد نكد عليا ..أنا جيت النهاردة علشان مستر كوبر".
وأكد "أديب"، خلال تقديم برنامج "كل يوم"، المذاع عبر فضائية "ON E"، أنه كان لديه قناعة حتى ظهر اليوم الثلاثاء أن عبد الله السعيد لن يوقع للأهلى، وتابع:"لكن الحاجات اللى تنقط أن الأهلى بتاع الدقيقة الـ90 ويجيب جول فى أخر دقيقة مبروك عليهم عبد السعيد".
جدير بالذكر أن القلعة الحمراء جددت اليوم الثلاثاء تعاقد عبد الله السعيد صانع ألعاب الأهلى ومنتخب مصر لمدة عامين.