ثابت مصطفى يكتب: الجنة تحت أقدامها
لافة شالها وطرحه مغارب شمسها مروحة
فارشة الأرض سجادة تصلى فرضها وسنة
يادوب حافظلها كام آية آيات صمدية والفاتحة
فى كل فروضها تقراها آية يارب تحفظها
تصلى تدعى رب الكون تصلى فروضها الخمسة
فارشة الأرض سجادة صلت طولت سجدة
تصلى تدعى رب كريم تدعى ربها وساجدة
صدق رسولنا يوم قال الجنة تحت أقدامها
يارب أكرمنى برضاها دعوة يارب تقبلها
يكون ليا حظ نصيب
أعيش خادم أعيش العمر خدامها
أشيلها جوا نن العين فى تلت الليل وأدعيلها
توعدها يارب البيت عمرة وحجة تكتبها
تحج تزور جبل عرفات تلمس يدها الكعبة
يارب أقبلها فى دعايا
مرة أقولها يامايا ومرة أنادها الحاجة
مغارب شمسها مروحة
دعوة وطالعة من قلبى نفس ما كنتى تتمنى
يقبل ربنا دعايا دعوة وربى يقبلها
ياا يامة يا شجرة البيت
تضلل حب أغصانك
يا يومه حبها ضله تضلل حب تطرح خير
لينا يارب من غيرها
يعيش عمره حياته سعيد
سعيد من صانها يكرمها
صحيح صدق من قال يامة يا جنة الدنيا
يعيش عمره حياته تعيس
إزاى أمه بيهنها
شطان وزو عليك أبليس
بقية عمره حياته يضيع
خلاص ضايع فى دنيا يعيش
يعيش مطرود من الجنة
صدق رسولنا يوم قال الجنة تحت أقدامها
يكون ليا يارب نصيب
أعيش خادم أعيش العمر خدامها