محمد عبدالله طاهر يكتب: رحلة ما بتكملش
الثلاثاء، 23 أكتوبر 2018 08:07 ص
يا خلايق أجسادها حية
ليه قلوبنا مش بِخَيْر
دى القيامة بكرة جاية
و اللى فاضل مش كتير
سايبين شيطاننا يلعب بينا
و جفوننا صاحية ما بتنامش
ليه قلوبنا هانت علينا
دى الدنيا رحلة ما بتكملش
يا خلايق ليه اسينا
و ليه جروحنا منا فينا
الدنيا دى مش باقيه لينا
و بعد متنا مش هنلاقيها
ليه بنقطع فى الحبايب
و ليه سايبين الشر يدوس
بكره ندفع الضرائب
و الروح بريئه من النفوس
راحت فين السعادة
و راحو فين البنى آدمين
القهوة شاربينها سادة
على روحنا و مش حاسين
يا دنيا انتى ليه علينا جاحده ؟
و بتشربينا ليه فى ذل
ما تنقذينا من الوحدة
و شوفى لفرقتنا حل
عيشينا عيشة أحلى
خلينا نحب بعض
خلينا ننهى الرحلة
بفرحة يوم العرض