محمد رشوان يكتب: التربية والتعليم مستقبل هذا الوطن‎

الخميس، 11 أكتوبر 2018 08:00 م

لازم أول حاجة المفروض نهتم بيها عشان تقدم ورقى المجتمع تربية الأبناء وتعليمهم بأحدث الطرق، وفلترة وصياغة المناهج وسياسة التعليم و ده لازم يبقى من أولوياتنا.

 

لأننا لو ما اهتمناش بالموضوع ده وما بقاش من أولوياتنا يبقى كل اللى بنعمله من مشاريع ضخمة فى البلد ومصانع وشركات وفلوس بنصرفها وملايين على المشاريع دى ممكن يضيع لأن اللى هيشغل كل المشاريع دى فى المستقبل هما أطفال وأبناء وشباب النهاردة.

 

فلازم نعدهم ونهيئهم ونربيهم على أنهم هما اللى يعمروا البلد دى من بعدنا وهتبقى مشاريعنا دى أمانة فى رقبتهم ، لازم نربيهم إنهم هيبقى منهم رئيس للدولة وقائد ليها ومسئول فيها وجندى فيها ومدرس ودكتور ومهندس ورجل أعمال وقاض ومحام وموظف وعامل وأب وأم.

 

لازم نعلمهم تحمل مسئولية إدارة هذا الوطن من صغرهن، أولوياتنا ومستقبل مصر فى التربية والتعليم.