مينا جميل يكتب : الأم
حنانك
حنانك رامى فيا بذور لحنيه
كلامك يا اما بيحرك كتيير فيا
وحضنك لما فيه من جوه بتخبى
بتمحى كل أحزان قلبى وعنيا
ولو هحكى .. ف هحكى ف ايه
عنيكى السمر ف كل العمر
بشوف فيهم .. طريق ليا
ف أول عمرى وأنا جنبك
لقيت الفرحة يا هنايا
لقيتك ليا ك مرايا ..
بحسك بيت مضلل ع اللى من بره
وشايفة كل جوااايا
وحاضنانى وضمانى ..ووقت الضعف سانداني
ولا ف مره تقولى تعبت وكفايه
ياكل اغانى تتلحن بصوت صافى
ده ف بعادك بحس القلب مش دافى
بحس الفرح مش جوايا ولا كافى
وبتمنى اكون شايلك على كتافى
ياألف قصيدة مكتوبة من التفاصيل
ياضحكة بترسم الاحلام وحزنى تشيل
ياامى يامعنى للطيبة م ليكى بديل
ولو هديكى انفاس قلبى من جوة عليكى قليل
يابيت بيضم .. ياعالم كله يتلخص ف كلمة أم
ياامى بتمحى من تجاعيدى معنى الهم
يانور ف الضلمة بيبين طريق مجهول
بدعواتك بتفتح ليا الف باب مقفول
ياطعم الفرح
يالون الورد..
يادفا ف البرد....
ياسور حنية .. بيدلع كتير فيا
ولو هكتب عليكى ديوان ياكل حياتى
ايه راح اقووول؟