محمد عبد الله طاهر يكتب: أوعى يا صاحبى
لو تعبان ومفيش قدامك أى حلول
يبقى النسيان هو الحل المعقول
لو مخنوق وكل طريق تمشيه مقفول
أهدى وروق وفكر فى مين المسئول
لو مسجون جواك إحساس فضفض قول
صارح بيه أقرب ناس متكونش خجول
لما تفيض بيك الدنيا وتضيق حواليك
ارجع عيد حساباتك فيها تخف عليك
أوعى تفكر يوم تكرهها وتقول كرهاك
حاول تعرف بس أسرارها هتبقى معاك
أنت وروحك راكبين فيها
مركب ماشية بأمر الله
أوعى يا صاحبى تغرق فيها
سمى وقول بسم الله