محمد عاطف عبد المنعم يكتب: كفاية يا عقدة
السبت، 30 سبتمبر 2017 12:00 م
كفاية يا عقدة ما تفكى
لخبطتى حياتى وبتعكى
مشتاقة للعمر اللى ماعشتوش
مشتاقة للفرحة اللى تبكى
فى الدنيا عايشة ومخدوعة
م الفرحة دايما ممنوعة
كل جميلة فى البخت قليلة
والحظ راح للجربوعة
عايشة ودايما متعايرة
زهقانة من كلمة بايرة
محسودة يمكن ولأنى
رقة وأنوثة وحاجة فايرة
بسأل يكون فيا أنا علة ؟
ولا الرجال صبحت قلة ؟
بسأل عيونهم شايفانى ؟
ولا عيونهم محولة ؟
مش أى حد وهيجيلى
هضعف وأرضى بقليلى
يا ما وصفوا فيا واتغنوا
ولأنى أحلى بنات جيلى
قطر السعادة راح ونسينا
مش هدبل أنا وأبقى حزينة
هتقوى وأفضل أنا حلوة
ده أنا وردة عايشة وللزينة