توفيق ميخائيل يكتب : السلام
لما تكون دقات القلب تعمل بانتظام
وكل أجهزة الجسم فى تناغم وانسجام
رغم كل مايهب على السمع من أصوات وكلام
ويلوح للنظر من برق وصحو أو غيام
لا الدنيا وردى ولا كله تمام
لما يكون قرارك من يقينك
مش قصبة تحركها ريح وأوهام
لما تكون عايش فى العالم
والعالم لا سلطان له عليك فى قعود أو قيام
آخر كل يوم بعد بذل الجهد وارضاء الضمير
تضع راسك على مخدتك وتنام
لقمة يابسة مع سلام خير من ذبائح وخصام
يا سلام لما السلام يملأ القلب على مدى الأيام
وياسلام وياسلام لما المجتمع والعالم كله يعيش قى سلام