شاب يحيى وفاة والديه بصورة "3D" فى حفل زفافه ويلتقط الصور معهما
رغم وفاتهما وتركه وحيداً فى أهم يوم بحياته، طبع عمر صورة والده ووالدته المتوفيان وتجسيدهما على كرتون 3D، وبنفس الحجم الطبيعى لالتقاط الصور معهما فى يوم زفافه.
ونشر عمر صورته بصحبة والديه "المجسدان" عبر حسابه الشخصى بموقع التواصل الاجتماعى فيس بوك، وكتب : " مرة وأنا في المستشفى مع بابا كنت سهران معه لحد ما راح في النوم، المهم سبته ينام و طلعت بره و فتحت اللاب و قعدت العب، لقيته شوية و بينادى ببقولي سبتني ليه انا نفسي اتكلم معاك و اسمع صوتك احكيلي حاجة، قعدت اتكلم معاه لحد ما راح في نوم تاني، ودي تقريبا كانت اخر مره نتكلم فيها، انا فعلا ندمان اني كنت في فترات كتير بسيبه هو و ماما و متكلمش معاهم، والله لو الزمن رجع تانى عمري ماهسيبهم تانى و هفضل اتكلم معاهم".
وتابع: "فوقوا و خلي بالكم من أهلكم، اقعدوا معاهم واشبعوا منهم و اتكلموا و ملوا عنيكم منهم و بلاش خناقات علي الفاضي، مهما قابلتو ناس مش هتلاقو حد يحبكم قد ابوك و امك ".
وسرعان ما تم تداول المنشور الذى تخطى حاجز الـ 5000 مشاركة وعشرات الآلاف من الإعجابات، ووجه العديد من مستخدمى السوشيال ميديا الدعاء لوالديه والثناء على ما فعله وأحياء ذكراهم.
عمر مع صورة والده ووالدته