بالفيديو.. "الحاجة بسيمة" عن لقائها السيسى: "يسوى الدنيا واللى يشوفه يشبع"
تحدثت الحاجة "بسيمة" 65 سنة، من قرية "طحانوب" بمحافظة القليوبية؛ عن تفاصيل لقائها بالرئيس عبد الفتاح السيسى، منذ أن دعاها لهذا اللقاء، وحتى استماعه لشكواها وحلها.
وقالت الحاجة "بسيمة" لكاميرا "فيديو 7"، قناة "اليوم السابع" المُصَوَّرَة: "قعدت جنب الرئيس السيسى 3 ساعات، وكانت الناس رايحة جاية تطلب منه الحِج.. أنا طلبت كشك وشقة صغيرة تشيلنى أنا وأولادى الخمسة لأن منهم اثنين معاقين ونفسى أربيهم.. والرئيس رد عليا وقالى حاضر عينى الاتنين.. وطلبت منه أتصور معاه وحصل.. ده راجل يسوى الدنيا بحالها".
وأضافت الحاجة بسيمة: "الرئيس كان قاعد جنبى زى العسل، جبلنا فطار، بس إحنا ماكلناش لأن اللى يشوف الرئيس السيسى يشبع.. راجل قمة فى الاحترام والأدب والأخلاق والذوق مع الكل، ستات ورجالة".
وأوضحت "بسيمة": "الرئيس السيسى وعدنى بالكشك ووفى بوعده؛ تانى يوم بعد اللقاء المحافظ اتصل عليّا وقالى مكان ما انتى عايزة الكشك هعمله لك، وبعدها الناس اشتغلت على طول وأنا قاعدة فى الكشك دلوقتى ومش باقى إلا التقفيل بس".
وتابعت: "بشكر الرئيس على كل اللى بيعمله، أنا اتصورت مع الرئيس والناس كلها اتصورت معاه، السيسى يسوى الدنيا بحالها، ويا ريت آشوفه تانى، والله العظيم تبقى أمى لسه ولدانى جديد".