محمد عبد الله طاهر يكتب: السكة السالكة

السبت، 01 يوليو 2017 06:00 م

الفكرة بسيطة خالص--- وبوصلها لكل الناس

هو بيلعب بينا وهايص ---وكل غلطنا ليه إنجاز

هو شيطان وبيننا ملايكة ---هتمشى معاه وتسلم تغرق

وآدينى بقول عالسكة السالكة ---خليك فى النور دى النار تحرق

ليك طريقين --------ولكل طريق منهم كَفه

طريق مفتوح مفروش بالخير----- مفيهوش ولا لفه

تمشيه هتروح بملايكة------ وحور عالجنة بزفة

تتزف أمير وتشوف النور---- وتقابله بلهفة

وطريق مقفول مفيهوش ضوء ----نور النار ليه حافة

مليان شياطين باخدوك عالنار----- والنار سافَه

والفكرة يا ناس بعد الموت-------- فيه كفًه

 ناس عارفة وناس حاسبة ---وناس ناسية ومش فاكره

أننا فى دار اختيار وعلينا اننا تختار ----قبل ما يروح الخَيار