عصام دويدار يكتب: متصدقنيش

الأربعاء، 14 يونيو 2017 08:12 ص

كتير بفرد شراع الحزن

واتدارى ورا الضحكة  

وكتير بعمل جبل عالى

وأنا المغروز فى طين وحلة

وكتير بتتباهى بسكوتى

وأقول واخد على الوحدة

تروح واحدة

هتيجى بكرا ميت واحدة

وبين الواحدة والواحدة

بلاقى الوحدة حضنانى

برغم أن الحياة زحمة

وحال الدنيا لهيانى

بسرق م الزمن لحظة

وبنسى الدنيا ومكانى

وبغرق تانى فى الذكرى

وبسرح فيكى فى خيالى

صحيح كلمة فراق سهلة

لكن فى قلوبنا بتعانى