حسان غانم يكتب: قولتهالك
الأحد، 30 أبريل 2017 02:00 ص
قولتهالك قبل ما أمشى
إنى حاسس بالفراق
غصب عنى ومش بقصدى
كان بأمره الاتفاق
لسه شايفك زى ما إنتى
الطيابه والحنان
كنت شمسى وكنت ضلى
كنت برى للأمان
كنت دايما تدعى ليا
كل يوم وقت الآدان
كنت حاسه أيوا بيا
مهما كان بعد المكان
بعدك إنتى مين هيسأل
فيا ويشيل العيال
حلمى بيكى كان هيكمل
حتى لو هاعبر جبال
قولتهالك قبل ما أمشى
إنى حاسس بالفراق
غصب عنى ومش بقصدى
كان بأمره الاتفاق