السيسى: أنا ما شاء الله بصحى 4 الفجر ومش بنام تانى.. ما تقلقوش على صحتى
وجه الرئيس عبد الفتاح السيسى، رئيس الجمهورية، عدة رسائل للمسؤولين والإعلاميين، خلال مداخلته بجلسة محاكاة نموذج الدولة المصرية، ضمن فعاليات اليوم الثالث والأخير بمؤتمر الشباب، الذى تستضيفه مدينة الإسماعيلية، داعيا إياهم للتأكيد على التجرد والتوازن الذاتى، للدفع بمصر قدما، ومشددًا على عدم قلقه على صحته بقدر قلقه على مستقبل البلاد.
وقال "السيسى"، فى كلمته خلال جلسة المؤتمر: "مراجعة حجم تجرد المسؤولين وحجم التوازن اللى جوانا، قبل ما نطرحه لأفكار ونتكلم فيها مع بعض، ودايما أقول كلامى مع السادة الوزراء، إن كل وزير خدم جوا وزارته، هذا المسؤول لو عنده تجرد حقيقى وشايف وطنه قدام منه فقط، هو عارف مشاكل مؤسسته والمفروض لو كان بيحب مصر كان قعد يفكر على مدى خدمته فى كل عوار هذه المؤسسة، ولو تمكن من قيادة هذه المؤسسة، أن يغير ويبدل إلى الأفضل".
ودعا الرئيس السيسى، الإعلاميين لنقل الواقع للمواطنين، مع مراعاة عدم تحفيز المؤسسات تجاه بعضها، قائلا: "رسالتى للإعلام، مش عاوزين نخلى الناس تتخندق وإحنا بنتناول المسألة، ولا نخلى الناس تصطدم، وهى دى رسالة الإعلام، إنت عاوز تنقل الواقع للمصريين، خللى بالك إنك ممكن تغضب مؤسسات من بعضها البعض".
وطمأن السيسى جموع المصريين حول صحته، قائلا: "أنا بطمنكم، أنا بصحى الساعة 4 الفجر ومش بنام تانى، يعنى بسم الله ماشاء الله لا قوة إلا بالله، ما تخافوش على الصحة، اللى خايف عليه مش صحتى أبدا ولا حياتى، أنا خايف عليها هى، خللى بالكم دول 92 مليون، اللى يحميهم يقف قدام ربنا يوم القيامة مش عاوز حاجة تانى".