رواد تويتر يفضحون كذب فيلم الإخوان.. نبيل الحلفاوى: من شاهده عبر عن أسفه ليس بسبب محتواه وإنما لأنه مش حقيقى.. وآخرون: المخ الإخوانى عمره ما هيفهم وتعظيم سلام لجيشنا العظيم.. ويؤكدون:مفيش حاجة أهم من دم إخواتنا

كتب محمد تهامى زكى الجمعة، 21 أبريل 2017 02:52 ص

سخر الفنان نبيل الحلفاوى، من الفيديو المزعوم التى نشرته إحدى القنوات الموالية لجماعة الإخوان المسلمين والتى تبث من تركيا، مؤكدا أن من شاهده من المصريين يعبرون عن أسفهم لأنه غير حقيقى.

 

وكتب الحلفاوى عبر حسابه على تويتر: "لأول مرة يتم نشر فيديو يتهم الجيش المصرى بتصفية أسرى، فيعبر بعض من شاهده من المصريين عن أسفهم، ليس بسبب محتواه وإنما لأنه طلع مش حقيقى".

 

رودا تويتر أيضا كانت لهم آرائهم المؤكدة لفبركة الفيديو، حيث قالت نرمين: "قرفنا من كتر فبركتهم، ن خلاص بقو يصعبوا علينا انهم مش قادرين يخلونا نكره الجيش، بالعكس بقدر قيمة المؤامرة اللى عليه"، وقال آخر: "الشريط المسرب المفبرك ده بيرفع شعبية السيسى يا أغبياء، الجيش مبيعملش كده أساسا ، المخ الإخوانى عمره ما هيفهم أبدا".

 

وقالت منال إبراهيم: "الأسف لأنه مش حقيقى، لأن مفيش حاجة عندنا أهم من الثأر لدم اخوتنا وأولادنا ولقلوب كل أمهات الشهداء، هو ده اللى هيصبرنا"، وقال حساب باسم ماميتا: "مفيش حد بيصدق أى حاجة بتنشرها الجزيرة أو مكملين غير المعاتيه بتوعهم".

 

البعض الأخر دشن هاشتاج "تعظيم سلام لجيشنا" ردا على الفيديو، شارك فيه مئات المغردين، حيث قال حساب باسم حياة الروح: "جيشنا جيش عظيم  بجنوده وأولاده ولاد حلال، مهما تقولوا وتفركوا احنا واثقين فى جيشنا وقياداته، تحيا مصر وجيش مصر العظيم"، وقال إبراهيم المصرى: "مهما يفبركوا فيديوهات وينشروا أكاذيب هاتفضل فى قلوب واعين المصريين ونفتخر فيك بين الأمم"، وقالت عبلة الحوت: "اللى بيضحوا بروحهم عشان يحموا الأرض والعرض مبيظلموش، اللى شايل كفنه على كفه عشان بلده مبيستقوش".