بالصور.. الطفل "محمد" مصاب بضمور فى المخ.. ووالده: "طمنونى عليه وخدوا عمرى"
"ابني بيضيع من إيديا كل يوم عن اللي قبله ومش عارف أعمل حاجة.. نفسي أي حد يطمنني عليه".. بهذه الكلمات دخل سمير التميمي غريب 36 عامًا، استورجي، من قرية عليوة التابعة لمركز الحسينية بالشرقية، في نوبة بكاء وهو يروي لـ"اليوم السابع" مأساة نجله "محمد" 4 سنوات.
"الموضوع بدأ من وقت ما محمد كان عنده سنتين ونصف.. وقتها كان عنده تبول لا إرادي، وكنا في البيت بنكش فيه، لكي يسمع كلامي لما يخاف وميعملش كده تاني، لكن ذلك جاب نتيجة بالعكس والواد فجأة لقيناه قطع الكلام والحركة مرة واحدة".
ويضيف: ابني هو فرحتي بعد إخواته البنتين، وبعد ما حصل له اللي حصل، جريت به على الدكاترة وقالوا لي إن عنده ضمور في خلايا المخ، لكن محدش ريحني.. نفسي حد يطمنني على ضنايا حتى لو هياخد عمري وروحي بس أعرف هيخف إمتي، وخاصة أنه أصبح لا يتكلم وفقد البصر وعنده ضمور بالمخ وعجز عن الحركة، للتواصل مع الحالة علي الرقم 01000134881
الطفل محمد
الطفل المريض