وائل عبد الودود حسين يكتب: تحيا مصر
تحيا مصر ومليون تحيا
تعيش وتعلى فى كل ناحية
تحيا مصر مهما قالوا
عنها الاعادى ومهما زادوا
مهما كادوا ولا تآمروا
إن شاء الله تحيا بأمره
تحيا مصر بأيدينا بكره
ويروح يموت للى يكره
بكره تحيا وتبقى عال
واى كلام فاضى فى زوال
تحيا مصر فى خير وسلامة
واللى يبيع يعيش فى ندامة
مش بالشعر ولا بالكلام
اللى معاها عليه السلام
واللى عليها له العداء وخصام
تحيا مصر بشوارعها وحواريها
وجدعنه ناسها اللى فيها
بحنان ام وضحكة طفل
وقلوب بيضا زى الفل
ولو بعدنا وتغربنا عنها
نرجع لها فاتحلنا أحضانها
تحيا مصر بفرحة شهيد
عند ربه مولود جديد
زغرودة ام بدموعها
وقلبها اللى وجعها
على حبيبها اللى ودعها
وتقول اليوم ده مش عادي
ده فرح ابنى الليله دي
تحيا مصر وعلمها يرفرف عالي
يهون عشنها كل نفيس وغالي
مكانها واضح على الخريطة
مهما رصدت عيون حويطه
مهما رسموا خطط خبيثة
مؤامرات وحركات دنيئة
ومهما اتباع نفوس بالمال
وصاروا عبيد بلا أغلال
ده الفقر مش فقر المال
فقر النفوس أكثر اذلال
تحيا مصر حضارة وكرامة
مواقف أصيلة وشهامة
بلد العظماء
بلد الكنائس والمساجد والعلماء
تحيا مصر لينا ولأولادنا
هما زادنا هما عتادنا
حافظوا عليها زى اجدادنا
حرة عفيه دى هى ميراثنا
تحيا مصر لكل مخلص أمين
وادعوا لها تحيا وقولوا أمين
مصر العظيمة مهبط الاديان
فى رباط مهما مر الزمان
تعيش وتحيا عظيمة قوية
تعيش وتشوف فرحه هنية
ومهما قالوا وحكوا عنها
أجمل شيء أن ربنا كرمها
تحيا مصر ولو الحياة صعبة
أصلى وأدعلها قبلة الكعبة
وهى لا تنحنى ولا تنكسر
شامخة عزيزة على الصعب تنتصر
تحيا مصر بكل فخر وأعلى صوت
وأفضل اقولها لحد ما اموت
وبكره نموت وهى تحيا
وتحيا وتحيا فى كل ناحية