محمد عبد الله طاهر يكتب: عديت حدود الصبر
سهران لحد الفجر ---بادعى يا الله
باتمنى ينزل صبر ----طفى فى قلبى النار
تعبت أوى من الغدر ----وتعب قلبى معاه
عدى حدود الصبر ------وخللى الليل نهار
أنت الوحيد يا رب -------اللى عالم بالقلوب
عالم بكل ذنب --------وبقلب بات مغلوب
الشر افترى يا خلق ------وانتشر فى الحياة
افترى أوى على الحق -----والخير فى الدنيا تاه
سهران لحد الفجر -------قلبى بيصرخ آه
تعبان أوى من الغدر ------والشر واخدنا معاه