فردوس عيسى تكتب: عن الزمن الجميل أتحدث
عن صورة بالأبيض والأسود
عن ضحكة بالبهجة أسنانها أترست
عن عزة فى العيون لمعت
عن أهل على لقمة اتجمعوا
عن ناس لسانها كان رقيها
عن بساطة وراحة
عن عيد بجد مش لبس وبس
عن لمة وقهوة ومصطبة جامعة
عننا لما كنا موجودين
عن نصبة حزن فى الشارع عند الكل
وعن زغروتة طالعة من كل دار لفرحة الجار
عن زمن كان يستاهل الزمن
مش عيشة ماشية وخلاص
عن حب من غير اموشن
وعن حزن من غير فيل ساد
عننا لما كنا موجودين
قبل مانستخبى ورا الريبلاى والبوستنج
عننا وقت لما كنا مجمعين
عن السلام عليكم
وعن مرحب بيكم
مش هاى على ماشى واحنا جاريين
عن زمان كان فيه بركة
وقت كان فيه خير