فيديو.. شادى محمد يكشف: "صحيت من النوم لقيت استقالة مكتوبة باسمى من قناة الأهلى"
قال شادى محمد، لاعب الأهلى السابق، إن بدايته الحقيقية فى قناة "الأهلى" كانت فى عهد الكابتن حسن حمدى والكابتن محمود الخطيب، كاشفا: "رحيلى عن موقعى فى القناة لموقف من وجهة نظرى أنا ومينفعش أقول استقالة علشان الأهلى خيره علينا كلنا وصاحب الفضل على الجميع.. والشغل فى الأهلى تكليف وليس توظيف".
وأضاف شادى، خلال حواره مع الإعلامى معتز الدمرداش، ببرنامج "آخر النهار" المذاع عبر فضائية النهار، أن رحليه عن قناة النادى الأهلى إعفاء للإدارة الجديدة من الحرج، وتابع: "عندى قناعة شخصية.. لازم تسيب حرية الاختيار للمجلس الجديد الموجود وتشيل عنه الحرج.. والقرار نابع من نفسى وباخد القرار بعد استخارة ربنا سبحانه وتعالى"، لكن حصل حاجة أول مرة أشوفها فى النادى الأهلى.. صحيت من النوم لقيت استقالة مكتوبة وحد ماضى عليها شادى محمد.. والاستقالة دى مزورة.. وهل ده مقبول؟ فبالتالى اللى اتكتب مش خطى ولا إمضتى حتى نوعية الورقة المكتوب فيها شبه ورقة اللحمة".