عبير يسرى تكتب: شهيد
بكره أنا رايح على وحدتى فى الجيش
حلمى وحققته
وزى العسكرية زى الهوا والعيش.
اشيل البندقية
شيفانى يا أمى ولا ما شيفانيش.
صبحى على ابوى
و لو سأل عنى قوليلو راح سينا.
قوليلو ولدك حالف يحمى أراضينا.
وكلمى عمي
قوليلو حين أرجع أكتب كتاب بنته
ويكون معلى الزينة.
وسلمى على أخوى
مشتاق أقعد وياه
ملحوقة لما أرجع نحكى حكاوينا.
لكن الغيبة طالت
ولو تروح الروح واجب يا أمى علينا.
ابنك شهيد
لو قالوا عنى مت قولى عايش فى وسطينا.
والموت يا أمى لبلدى أسمى أمانينا.
والدم ع البدلة أكبر شرف لينا.