سر يذاع لأول مرة.. تعرف على ما فعله أحمد فؤاد نجم فى عيد الهالوين

كتب محمد عبد الرحمن الأربعاء، 01 نوفمبر 2017 08:13 م

بمناسبة الاحتفال بعيد الهالوين تذكر مشيل غالى، أحد أصدقاء الشاعر الكبير الراحل أحمد فؤاد نجم، ورفيقه فى أيامه الأخيرة، موقفا حدث لـ"نجم" بوجوده ومعهما صديقهما الناشر محمد هاشم.

وقال مشيل غالى فى تدوينة على صفحته على موقع التواصل الاجتماعى "فيس بوك": "مرة كنت نازل أنا وعم نجم من عند الصديق الجميل محمد هاشم، يوم الهالوين، بليل متاخر، وراجعين المقطم وكان تحت دار ميريت مطعم اسمه أرابيسك والعيال واقفين لابسين ماسكات اللى عينه مدلدلة من وشه وإللى واخد سكينة فى رقبته وصالة من الناحية التانية وإللى لابس قرصان اعور وأول لما إللى واخد مطوة فى رقبته شافوا عم نجم طلعوا يجروا عليه علشان يتصوروا معاه ودى أول مرة يشوف المناظر دى بالملابس التنكرية واتخض وعرق وكان عاوز يجرى ومسك فيا جامد لدرجة إنى خفت عليه ولما العيال خلعوا الماسكات لقيت عم أحمد بدأ يتنفس وباس العيال واحد واحد وهو بيشتمهم هما والهالوين بألفاظ فظيعة وأنا قعدت أضحك 3 أيام بالدموع.. وأتم: الله يرحمك يا أبو النجوم".