محمد عبد الله طاهر يكتب : إلى أم البطل عمرو صلاح
سافر ابنك الجدع .. لأحلى رحلة
عمرو عاش ومات بطل .. أبو أحلى ضحكة
سافر فى رحلة الوداع .. لحته أحلى
فيها جنة أجمل من الحياة .. معروف جمالها
مكتوباله فى الكتاب ....ونبينا قالها
مات البطل زينة الشباب ... وأكيد دخلها
يا أم البطل ماتزعليش .. ده فى حته أحلى
أيوه صحيح صعب الفراق ....بس الجنة أحلى
عمرو يا أمى طلب الشهادة .... وبإيمانه نالها
سافر صاحبنا الجدع ...أبو أحلى ضحكة
القلب عليه أيوه أتوجع .... بس فرِحنا
نال الشهادة البطل .... وراح حته أحلى .