محمد عاطف عبد المنعم يكتب: سى السيد
سى السيد راح يا أمينه
وف خيره صبحتى تخينه
كام زوجه من الزوجات ؟
مخلصه هادية وأمينه
سى السيد أرجل أب
ولا عمره لعن أو سب
وأمينه مناها فلوس
مش عايزه أدب ولا حب
سى السيد صوته جواه
بصواتها أمينه فاضحاه
ولا عمره مره بيشكى
شاكياه هيا وقارفاه
سى السيد راح فى الضلمه
علشان مش عايز لمه
كان ممكن يفضل ليها
لو كانت بيه مهتمه
سى السيد راعى ضميره
وأمينه نكرت خيره
لو يوم ربنا راح ياخده
تانى يوم تتجوز غيره
سى السيد كان أوهام
وخيال ولا فى الأحلام
ظلموه فكل الروايات
ضيعوا حقه ب أفلام