جورج ميخائيل عازر يكتب: عِصيانى.. وعُصيانى
أتعجب م العِند.....أتعجب.....من عِصيانى
مع أن التواضع.....والبساطة.....هُمه عُصيانى
سنة فاتت م العُمر.....ولسه.....الخطية وجعانى
لكلمة ربنا الحلوة.....سادد أنا.....ودانى
ماسك ف الدُنيا...مع إنه..عالم فانى
فين المحبة.....فين الوِد...لأهلى وجيرانى
كل تفكيرى.....ف الصوانى.....واللحم الضانى
وهدوم جديدة ...ع العيد.....ملذات فى أوانى
هيصة وفرحة .. صوت عالى.....أغانى
مكالمات ورنات.....برقيات ..وتهانى
الفقير والمحتاج.....أكيد...خارج وجدانى
تفوت السنة.. وأرجع لطبعى.. من تانى