سهام ميلاد تكتب : ملاك للإنسانية
دكتور مجدى يعقوب جراح ومداوى القلوب
فخر مصر فخر الإنسانية معروف لكل العالم ومحبوب
إنسان فيه كل معانى الحب والإنسانية
ميعرفش الطمع ولا الجشع ميعرفش الأنانيه
وبكل حب ومن غير أنانيه بيعطى علمه وخبرته لأولاده
ونفسه يكون علمه هو الميراث لكل الأجيال الجاية
لا يهمه مال ولا منصب بعيدة عن فكره كل الأمور ديه
كل اللى يهمه إزاى يخدم بلده ويخدم الإنسانية
واهب نفسه وعلمه لمسح دموع ألم كل البشرية
فهو شعار للحب و العطاء و الوفاء و الإخلاص
بيخدم بنفسه الناس بكل تواضع و محبة و إخلاص
وعمره ماقال كفايه أنا حققت حلمى ووصلت خلاص
لسه عنده أحلام كبيرة نفسه يوصلها لكل العالم والناس
بيحلم بمدينة تكون سفينة ينقذ فيها كل يائس غرقان
هيعملها فى مصر بلده أصله بيحبها وشايل ليها الجميل والعرفان
وإذا كانت مصر يميزها الأهرمات فأنت هرم خالد على مر الزمان
بجد شكرا يا أعظم إنسان شكرا ياأطيب وأخلص ربان
بـ حبك وإخلاصك أنت لا يمكن تكون إنسان من هذا الزمان
أنت ملاك بعث من أجل الإنسانية