محمد عبد الله طاهر يكتب : شوفينى على طبيعتى
مش هرتب فى الكلام وهاحكى بالتفصيل
هاوصفلك بالتمام ، من غير ولا تغيير
مش هجمِل أبداً فى صورتى ولا أذوق فى الكلام
هبانلك على طبيعتى ، بالمللى وبالتمام
نفسى يا حبيبتى تعيشى جانبى بالساعات
تعيشيها ثانية بثانية وأحكيلك عاللى فات
ده قبلك يا حبيبتى ، ماكنش لقلبى حبيب
وبعد ما شوفتك أنتى ، باتمناكى ليه نصيب
شوفينى على طبيعتى ،شوفينى بالتفصيل
هى ديه حقيقتى من غير ولا تغيير
نفسى تكونى ليا ،يا أم القلب الكبير
بس أنتى تقوللى أيوه وأنا بيكى قلبى يطير .