محمد صوان يكتب: حضنك وسيع
دبلت خدود الصبح جوَّايا
ومفيش فى حر همومى ضلاية
حضنك وسيع صحيح وبيْكَفِّي
بس الجدار ما بنا شب ويايا
***
ماشيه الولاد فوق السكك رَيَاحين
كبروا الولاد لقيوا السكك طواحين
حضنك وسيع صحيح وبيْكفي
بس الولاد لبلوغه مش قادرين
***
حلمى الوليد بين الدجى وضَّاء
ضاق به الفضا ضاقت عليه لَرْجاء
حضنك وسيع صحيح وبيكفي
وحلمى فوق كفى أصبح خلاص أشلاء
***
ف عينيكى شىء بيجبنى من تاني
يمكن دموعهم دى النازلة علشاني
حضنك وسيع صحيح وبيكفي
بس الدموع وحدها ما بتكفى أحزاني
***
قومى اغسلى وشى الحزين بالفرح
مدى الإيدين ياللا وطبطبى ع الجرح
حضنك وسيع صحيح وبيكفي
لو كان بيعرف يوم أوان الطرح
لو كان بيعرف يوم أوان الطرح