عبد الحميد بدوى يكتب: اه يا بلد
الجمعة، 23 سبتمبر 2016 10:00 م
يا بلد مفيش حاجة بينك وبينى
ولا أعرفك ولا تعرفينى
كل المشكلة إنك ساكنة فى نن عيني
كل مابهرب منك كل ما ابعد عنك
بالاقى نفسى فى حضنك
وعينك فى عينى
كل أما باجى أقول بحبك
ألاقيكى بتصدينى
اه يا بلد نفسى أغنى وأنت بس اللى تسمعيني
ملامحى من ملامحك وطينك من طيني
نفسى أتكحل وأقفل عليكى عينى
نفسى أجيلك وتجيلي
أكتبك قصيدة ألاقيكى بتبكيني
احترت معاكى وحيرتيني
نفسى ألاقيكى وتلاقينى
مش عارف لية حاسس بغربة
نفسى تططبى عليا وتضمينى
نفسى مرة وحدة تسمعينى
اه يابلد مفيش حاجة بينك وبينى
ولا أعرفك ولا تعرفينى
كل المشكلة أنك ساكنة نن عينى
كل ما بهرب منك بلاقى نفسى فى حضنك
وعينك فى عينى