محمد عبد الله طاهر يكتب: افتح يا حب قلبك

السبت، 17 سبتمبر 2016 12:00 ص

كل واحد فينا فاكر إنه صح

نفوس ولًعبة بينا

جرحانا ألف جرح

دنيا وضحكة علينا

طرحانا فى الأرض طرح

افتح يا حب قلبك

 لقلب كله خوف

عايش سنين تعانده

و تعاند فيه الظروف

ليه الكل يا خلق عايش

لنفسه وبس ليه ؟

شيطان بشره فارش

والكل مسلمله ليه ؟

اسمع يا حب صوتى

وافتح للخير طريق

ده الشر يا ناس تعبنا

حبوا بحق وحقيق

خدوا من الحب فرحة

 تمحوا بيها الذنوب

ترسم فى القلب بسمة

تفرح بيها القلوب

ده الدنيا يا خلق فانية

و كل شئ محسوب

لا تنسوا الاخرة ثانية

والا تعيشوا فيها طوب