عقبال باقى حكومة «الفشل الدكر»

بشرى للمصريين.. الجنيه مات بس القرش راجع

 

والله العظيم ما هتلاقى كوميديا فى العالم أكتر من اللى بتحصل فى مصر، تخيل إنهم بيدرسوا يرجعوا «القرش صاغ» تانى؟!.. رئيس مصلحة سك العملة، قال إن هناك تنسيقا بين المالية والبنك المركزى للعمل بالفئات المعدنية الصغيرة مثل الـ«القرش».. طب دول تقول لهم إيه؟!.. منهم لله بيخلونا نترحم على أيام مبارك، كان المسؤولين فاسدين آه، وحرامية ماشى، بس عندهم «سينس»، حد أدنى من التفكير، مسحة ضئيلة من الذكاء، لكن دول والعياذ بالله، أمخاخهم زى «القرش الممسوح».