د. صبرى إسماعيل يكتب: افرحوا بالأعياد
الخميس، 07 يوليو 2016 04:06 م
افرحوا يا حبايب بالأعياد
العيد بالخير أهو هل وعاد
جاى بالنسمة جاى بالبسمة
ومفرّح قلب سمير وسعاد
افرحوا يا حبايب بالأعياد
******
والورد بيرقص ويغنى
والقلب لعيده مستنى
وسعادة ملونة أيامنا
افرحوا واصنعوا كل الأمجاد
افرحوا يا حبايب بالأعياد
******
والنيل فرحان بالعيد وسعيد
والموج يتمايل جايب خير
والشط يداعب أجفانه
يجعل أيامنا سلام ووداد
افرحوا يا حبايب بالأعياد