بالفيديو والصور.. الرئيس يشهد احتفالات ذكرى"30 يونيو" بالأوبرا ويوجه رسائل للمصريين..مصر أمانة فى رقبتكم..الإخلاص فى العمل..أوعوا تختلفوا..بلدنا لازم تاخد مكانتها.. ويؤكد: ما أنجزناه خطوة من ألف خطوة
شهد الرئيس عبد الفتاح السيسى، مساء أمس الأحد، احتفالات الذكرى الثالثة لثورة 30 يونيو بدار الأوبرا، بحضور عدد كبير من ممثلى فئات المجتمع المصرى بينهم فنانون وأدباء وإعلاميون وكبار قيادات الدولة.
السيسى: "المصريين من 3 سنين اتحركوا وأمروا وتم تلبية النداء"
وفى مستهل كلمته، وجه الرئيس عبد الفتاح السيسى، الشكر للقائمين على العروض الفنية بدار الأوبرا المصرية، خلال الحفل الفنى للذكرى الثالثة لثورة 30 يونيو، فيما طلب من الأطفال الصغار المشاركين فى العروض الفنية بالتقدم إلى أمام المنصة.
الجيش لبى النداء والشعب خرج للتفويض
وأشاد رئيس الجمهورية، بالمصريين ودورهم فى تلبية النداء بعد ثورة 30 يونيو، قائلاً:"هذه فرصة كى أتحدث إليكم، كما اعتدت الحديث إليكم من قلبى دائما..المصريون من 3 سنوات تحركوا وأمروا وتم تلبية النداء.. مقدرش أقول الجيش لبى النداء ..الجيش والشعب يد واحدة..لما الشعب يؤمر الجيش يلبى النداء"، مضيفاً: "الجيش لبى النداء، وفى يوم 24 يوليو 2013 طلبنا تفويض المصريين، وكان الهدف نقول للناس إن دى إرادة المصريين وشوفوا هيخرجوا ولا لأ، والناس لبوا الندء يوم 26".
السيسى:"مصر قالت لى لازم تبلغ الرسالة دى للمصريين..أنا أمانة فى رقبتكم"
وكشف الرئيس السيسى، عن الرسائل المحمل بها من مصر لشعبها، قائلاً:" نحتفل بهذا اليوم، وأنا مٌحمل برسالة من مصر، مصر بلدنا قالت لى لازم تبلغ الرسالة دى لأهل مصر..مصر بتقول لكم أنا أمانة فى رقبتكم..لكل المصريين ..مصر تقول لكم أوعوا تختلفوا يامصريين، مفيش سبب يدعونا للاختلاف..أوعوا حد يضحك عليكم ويخدعكم يا مصريين، أوعوا حد يضيع بلادكم".
مصر بتقول لكم "خلوا بالكم منى 7 آلاف سنة كمان"
وواصل الرئيس رسائله قائلاً:" مصر تقول لكم أنا كنت سبب وجودكم 7 آلاف سنة وبطلب منكم تخلوا بالكم منى كمان 7 آلاف سنة"، مضيفاً: "طلبت من الأطفال الصغار أن يخرجوا للأمام عشان مصر لازم تسعهم وتحميهم وتمنحهم الأمل بجد..كل ما قيل من أغانى وأشعار بقاله 50 عاماً وكأنه مصنوع لليوم".
"مصر ما تتحوجش لحد ومش هنام ولا ناكل حتى تاخد مكانها الحقيقى"
وتابع :"مصر بتقولكم مكانى مش اللى أنا فيه، مكانى مش كده بقى.. أنا برضه حجمى كده بقى!..أنا عندكم مش كده أنا متحوجش وانتوا هنا.. مصر بتقولكم أنا ما تحوجش.. يعنى مانكلش!..آه منكلش..يعنى ما ننمش!..آه منمنش.. لأجل مصر ما تاخد مكانها الحقيقى..الانتصار مش كلام..الحكاية عمل وإخلاص فى العمل..أوعوا تنسوا الرسالة دى".
لا نريد الاعتداء على أحد بل نسعى نحو مكانة أكبر لمصر
وطالب الرئيس السيسى، المصريين بالتنبه جيدا لبلدهم أمام التحديات التى تواجهها، مضيفًا "أوعوا حد يضحك عليكم وتضيعوا مصر.. مصر مكانتها أعز وأكبر من كده بكتير، وهذا لن يتحقق إلا بالعمل..أعلم مدى حبكم لها، ولكن لا بد من الدليل والبرهان.. ولسه بدرى أوى.. تحيا مصر بكم إن شاء الله".
وتابع :"لا يليق بمصر أن تكون بالموقع ده والموضع ونحن موجودين.. اسمعوا كلامى من فضلكم أنا بكلمكم كواحد منكم، بحلم زيكم، أنا لا بقولكم إحنا عاوزين نعتدى على حد، ولا ناخد مكان حد، ولا ننهب حد، بقول فقط مصر مكانها أكبر وأعز من كده، ومتتحوجش أبدا لحد، وده مش كلام..مصر مش هتتحوج لحد وإحنا موجودين"، مشيرا إلى أنه خلال العامين الماضيين تم تحقيق الكثير من الإنجازات داخل الدولة، ولكن هناك طموحات أكبر من ذلك، موضحاً:"رغم ضخامة ما حققناه لكنه خطوة من ألف خطوة ولسه بدرى على الحلم الحقيقى الذى نتمناه..مصر فى رقبتكم كلكم".
موضوعات متعلقة..
السيسى: "مصر ما تتحوجش لحد ومش هنام ولا ناكل حتى تاخد مكانها الحقيقى"
الرئيس السيسى : لا نريد الاعتداء على أحد ولكن نريد مكانة أكبر لمصر
بالفيديو.. السيسى:"مصر قالت لى لازم تبلغ الرسالة دى للمصريين..أنا أمانة فى رقبتكم"